فيديو.. حمو بيكا يعتذر لهاني شاكر ولنقابة المهن الموسيقية: سامحني أرجوك وعايزين ناكل عيش

سامي ميشيل
نشر فى : الخميس 24 أكتوبر 2019 – 10:31 م | آخر تحديث : الخميس 24 أكتوبر 2019 – 10:31 م

اعتذر المغني الشعبي حمو بيكا للفنان هاني شاكر نقيب المهن الموسيقية، اليوم في فيديو، وذلك بعدما ظهر حمو في فيديو منذ عدة أيام أعرب فيه عن غضبه لأن النقابة رفضت إعطاءه تصريح بالغناء في الحفلات.

وظهر “بيكا” في فيديو عبر صفحته الرسمية بموقع “الفيس بوك” قال فيه: “أنا بتأسفلك يا أستاذ هاني شاكر أنت أمير الغناء العربي، ومكنش قصدي أزعلك، أنا كل هدفي أكل عيش أنا و20 فرد تاني معايا، واللي خلاني اضايقت إن لفيت 8 ساعات في النقابة ومش لاقي حد يعملي حاجة وأنا شغلي متعطل وواقف، وكنت عايز أمشي صح، وأنا بحبك وبعتذرلك، ووالله العظيم تلاتة مكنش قصدي أزعلك، وأنا أخوك الصغير وبحبك”.

وأضاف: “أنا بقالي فوق الـ6 شهور واقف عن العمل، ومعايا ناس مقدرش أمشيها، إحنا نروح فين ؟، إحنا اختارنا فن بسيط الناس حبيته وبتسمعه، وبيحبوا يسمعوه في الأفراح، وبدأنا نهتم بالمحتوى علشان الكلام بتاعنا بيخش بيوتنا، وأنا زمان عملت حاجات ومسحتها، لكن دلوقتي بنقي الكلام الصح، وأنا عمري ما أقدر أزعلك، والكلام اللي حضرتك هتقوله هيمشي عليا، بس بلاش على الناس اللي معايا وبتاكل عيش”.

واختتم حديثه: “الناس اللي معايا لو مشيت هتروح فين ؟، هنشتغل إيه ؟ أنا مقدرش أسيب حد حياته بؤس ولما جيه واشتغل بقى فرحان وبيلبس وبيقابل ناس كويسة، إحنا كل هدفنا إننا نشتغل، ونكون نفسنا، ونتجوز، بلاش ندمر كل حاجة بننياها، وأنا شقيت وتعبت لحد ما وصلت للي أنا فيه، وأنا بقولك أرجوك سامحني علشان خاطر ربنا، وأنا والناس عايزين ناكل عيش.

عن 7Star

مهتم بمجال ال SEO , اقدم لكم موقع اخبار 7 نجوم كل اللي انت عايزة هتلاقيه في المدونة , اخبار عاجلة , اخبار الفن , مقالات ثقف نفسك , ومعلومات هامة .