نجاة المطربة ياسمين علي بعد اندلاع حريق بغرفة نومها

كشفت المطربة ياسمين علي، عن نشوب حريق أمس بغرفة نومها، إلى جانب تعرضها لحادث سير خلال الأيام القليلة الماضية، معربة عن استيائها الشديد لما تمر به من تجارب سيئة خلال الفترة الحالية.

ونشرت ياسمين علي عبر حسابها على موقع «فيسبوك»، صورة لسقف غرفتها، والذي يظهر به آثار الحريق، معلقة: «ما بحبش الطاقة السلبية والله بس اعمل إيه طيب.. هاحكيلكم حاجة صغننة.. امبارح الساعه 2 بليل من العادة ببقى قاعدة مع بابا وماما ويحيى بنتفرج على التليفزيون.. قمت عشان أروح أوضتي أنام».

وتابعت: «دخلت الأوضة قعدت دقيقة شامة ريحة بلاستيك محروق، ومش فاهمة الريحة جاية من فين.. فجأة بدون مقدمات وربنا عالم باللي هاقوله، لقيت السقف على وسعه مولع نار كله بمعنى الكلمة، وفجأة النار اتشفطت وبقت مختصرة فالشكل اللي انتوا شايفينه ده، وقفلنا الكهرباء ورشينا ميه، كل ده ف لحظات، أتاري الجار من فوق في مياه بتنزل من عنده على السقف عندنا فعملت ماس في الكهرباء، وحصلت النار اللي شوفتها دي».

وعن تعرضها لحاث سير، قالت: «لو ماكنتش دخلت الأوضة في التوقيت اللي روحت فيه الله أعلم كان حصل إيه.. وقبلها بكام يوم كنا لسة عاملين حادثة بالعربية مع عربية نقل كبيرة».

ووجهت ياسمين علي رسالة للجمهور، قائلة: «ما تنخدعوش بالضحك اللي بضحكه.. كل واحد له فيلم عايشه.. احمدوا ربنا على كل لحظة أمان انتوا عايشينها بدون ترويع وعدم ستر، وما تبصوش لحياة حد أبدا من برة».

عن 7Star

مهتم بمجال ال SEO , اقدم لكم موقع اخبار 7 نجوم كل اللي انت عايزة هتلاقيه في المدونة , اخبار عاجلة , اخبار الفن , مقالات ثقف نفسك , ومعلومات هامة .