نشوى مصطفى تروي قصة إنسانية عن الراحل هشام سليم

شاركت الفنانة نشوى مصطفى، جمهورها عبر حسابها على فيسبوك، بقصة إنسانية بطلها الفنان الراحل هشام سليم، حينما حكت عن موقف رائع له مع الممثلة الراحلة ثريا إبراهيم.

وكتبت نشوى: “افتكرت حاجة عن هشام سليم يمكن مش كتير يعرفوها، فى يوم راجعه من التصوير، وكان فيها استاذة ممثلة كبيرة الله يرحمها اسمها ثريا إبراهيم، قالت لى نشوى معنديش عربية توصلينى فى طريقك لأقرب مكان أنزل أخد تاكسى، قلت لها تاكسى إزاي حاوصل حضرتك لباب البيت”.

وتابعت: “واحنا ماشيين قالت لى عارفه الشقة اللي حتوصلينى ليها دى مين جابهالي، قلت لها مين؟ قالت لى شيريهان، وحكت لى أنها كانت بتشتغل معاها مسرحية “شارع محمد على” وكانت بتيجى كل يوم من طنطا للقاهرة وترجع تانى لإن بيتها كان هناك، ولما شريهان عرفت قالت لها شوفى الشقة اللي تحبيها وأنا حاشتريهالك، ولما اشتريتها كانت فرحانة أوى، ولما هشام عرف، بارك لها، وقال لها فرشتيها ولا لسه؟ قالت له فرشتها، قال لها كان نفسى أفرشهالك، قالت له وهى بتهزر طيب ما تعمل حاجة تانية، قال لها تحت أمرك، قالت له نفسى أحج، تانى يوم لقت شركة سياحة بتكلمها، وبلغتها إن هشام دفع كامل التكلفة، وكانت 50 ألف جنيه، وكمان وهى رايحة، عطاها مصروف وقال لها ادعى لى بس كده، ألف رحمة”.

جدير بالذكر أن الفنان هشام سليم توفي صباح أمس الخميس عن عمر ناهز الـ64 عاما، بعد صراع مع مرض السرطان.

عن 7Star

مهتم بمجال ال SEO , اقدم لكم موقع اخبار 7 نجوم كل اللي انت عايزة هتلاقيه في المدونة , اخبار عاجلة , اخبار الفن , مقالات ثقف نفسك , ومعلومات هامة .