بعد سنوات من الغياب… 10 رسائل من حنان ترك للجمهور وأصدقائها




مصطفى الجداوي


نشر في:
الجمعة 3 يونيو 2022 – 4:52 م | آخر تحديث:
الجمعة 3 يونيو 2022 – 5:41 م

بعد سنوات من الغياب، خرجت الفنانة حنان ترك في عدة رسائل لجمهورها، عبر صفحتها الرسمية بموقع فيسبوك.

ووجهت ترك، الشكر لأسرتها وجمهورها على دعواتهم لها، وعلى رأسهم أشرف زكي نقيب الممثلين، بعد تعرضها لوعكة صحية مؤخرا.

وتستعرض الشروق أبرز ما ما قالته الفنانة المعتزلة.

1- أرجوكم لو لقيتوا اي صفحة منتحلة اسمي او بتتكلم عن لساني ساعدوني بأنكوا تعملوا عليها ريبورت من فضلكم، وصفحتي الرسمية موثقة.

2- عايزة اشكركم جدا جدا واشكر اسرتي انها وقفت جنبي في مرضي الأخير، واشكر اصدقائي اللي سئلوا عليا ودكتور اشرف زكي كلمني واطمن عليا، واشكر الجمهور اللي بفضل دعواته بعد ربنا بقيت احسن بكتير وكويسة جدا.

3- مليش اي علاقة بالصفحات اللي كانت منتحلة اسمي وبتتكلم في السياسة والدين، وعمري ما هتتطرق للمواضيع دي.

4- انا سياسيا جاهلة جدا ومعنديش وعي سياسي ولا ثقافة سياسية اللي تخليني انظر على غيري بيها.

5- بالنسبة للدين انا قولتها زمان في 2007 لما اتحجبت، لما درست علوم شريعة كانت على سبيل النجاة وليست على سبيل الدعاه.

6- الدعوة دي حاجة كبيرة جدا محتاج علم وفقه ومش اي حد يقدر يعملها، والتأويل على الله والرسول ده حاجة كبيرة، انا فين والكلام الكبير ده فين.

7- اي حد يشوف اسمي على كلام مرتبط بالحلال والحرام أنا مليش علاقة خالص بالكلام ده، وانا اصغر بكتير من ان انا افتي في دين ربنا سبحانه وتعالى.

8- نصيحة لكل الناس لما تكون عايز فتوى أو نصيحة خدها من أهل العلم ومن المسئولين عن الفتوى، لأن الفتوى ليها تصريح رباني اولا ثم دنيوي من جهة الاختصاص، مش اي حد يقدر يديلك فتوى.

9- صعبت عليا نفسي لما لقيت صحابي زعلوا مني من حاجات مليش علاقة بيها، معقولة هما نسيوني اوي للدرجادي، فبصراحة خدت على خاطري منهم، والحمد لله ربنا انصفني وقدرت اوثق الصفحة

10- اي حد عنده الشجاعة الادبية كتب اسمي في بوست يشيله عشان انا هبتد ياخد اجراءات بجدن ومش هسكت على اي حاجة ممكن تحصل بعد كدة

11- عايزة اقولكم ان انا عملت قناة على اليوتيوب مفهاش اي حاجة خالص، عشان اتواصل من معاكوا من خلالها بدل ما نصدق اكاذيب بتتقال عليا من حتت تانية.

عن 7Star

مهتم بمجال ال SEO , اقدم لكم موقع اخبار 7 نجوم كل اللي انت عايزة هتلاقيه في المدونة , اخبار عاجلة , اخبار الفن , مقالات ثقف نفسك , ومعلومات هامة .