منة عرفة تعتذر للوسط الفني: بحبه وفخورة إني منه.. وبطلب من الناس يحترموا اختياراتي




أسماء الدسوقي


نشر في:
الثلاثاء 26 أبريل 2022 – 10:59 م
| آخر تحديث:
الثلاثاء 26 أبريل 2022 – 10:59 م

قدمت الفنانة منة عرفة، اعتذارًا للوسط الفني، الذي قالت عنه أنها كبرت فيه وتحبه وفخورة أنها منه، قائلة: «عمري ما أسيء للوسط اللي أنا طالعة منه».

وأضافت، في لقاء ببرنامج «ضرب نار»، الذي يعرض عبر فضائية «القاهرة والناس»، مساء اليوم الثلاثاء، أنها لا تستطيع الإساءة للوسط الفني، لأن ذلك يعني أنها تسيء لنفسها، معقبة: «عمري ما أقدر أسيء للوسط ولا القائمين على المنظومة دي».

وأكدت أنها تحترم جميع الناس وكل شخص في مهنته، مضيفة: «بطلب من الناس إنهم كمان يحترموا كلامي واختياراتي، لأني في الأول والآخر أنا مش ملاك ومش هعمل كل حاجة صح».

وتابعت: «كونوا ناس رحيمة، متخدوش حد بذنب حد»، مواصلة عن زوجها السابق محمود المهدي: «مش عاوزة الناس تزعل منه، لو قعدوا معاه هيعرفوا إنه أغلب من كده بكتير.. هو مش شخص شرير، لكنه بطبيعة إنه لسة في الوسط الجديد ممكن يكون متسرع جدا ويقول ما يخطر على باله».

واعتذرت لجمهورها ومتابعيها، قائلة: «أنا آسفة لأي حد واخد فكرة عني وحشة داخل أو خارج الوسط الفني، وأي شخص فاكر إني بشيء للفنانات، لأني اختارت حاجة معينة وأتمنى تحترموا اختياري زي ما أنا بحترم اختياركم».

عن 7Star

مهتم بمجال ال SEO , اقدم لكم موقع اخبار 7 نجوم كل اللي انت عايزة هتلاقيه في المدونة , اخبار عاجلة , اخبار الفن , مقالات ثقف نفسك , ومعلومات هامة .